MLSning 3 klubi De Bryuynega qiziqish bildirmoqda
Tomonlar o‘rtasidagi amaldagi shartnoma 2026/2027-yilgi mavsum oxirida o‘z nihoyasiga yetadi.
Фото: Getty Images
Belgiyalik yarim himoyachi Kevin de Bryuyne okean ortiga ko‘chib o‘tishi mumkinligi haqida xabarlar tarqalmoqda. MLSning bir nechta klublari yulduz futbolchini o‘z safiga qo‘shib olishdan manfaatdor.
Insayder Ekrem Konur ma’lumotlariga ko‘ra, 35 yoshli futbolchiga «Inter Mayami», «San-Diyego» va «Chikago Fayr» klublari shartnoma taklif qilmoqchi.
Ayni paytda de Bryuyne «Napoli» futbolchisi hisoblanadi. Tomonlar o‘rtasidagi amaldagi shartnoma 2026/2027-yilgi mavsum oxirida o‘z nihoyasiga yetadi.
Italiya A Seriyasining joriy mavsumida belgiyalik futbolchi neapolliklar safida 5 ta uchrashuvda maydonga tushdi. Kevin 1 ta gol urdi va 1 ta golli uzatmani amalga oshirdi.
