МЛСда Мессидан қимматроқ икки футболчи маълум қилинди
Месси 2023 йилдан буён «Интер Майами» сафида ўйнамоқда.
ФОТО: Getty images
Тransfermarkt портали МЛСда энг қиммат футболчилар рўйхатини тақдим этди.
Рейтингнинг биринчи поғонасидан «Торонто» футболчиси Жош Сарджент ҳамда «Синсиннати» вакили Эвандер жой олди. Ҳар икки футболчи 16 миллион еврога баҳоланган.
Кейинги ўринда «Интер Майами» ҳужумчиси Лионел Месси қайд этилди. Саккиз карра «Олтин тўп» соҳибининг трансфер нархи 15 миллион еврони ташкил қилмоқда.
Яна икки футболчи — «Сан-Диего» вакили Андерс Дрейер ҳамда «Лос-Анжелес» футболчиси Сон Ҳён Мин ҳам айнан шу суммага баҳоланган.
Эслатиб ўтамиз, Лионел Месси 2023 йилдан буён «Интер Майами» сафида ўйнамоқда.
Розикжон Султонмуродов
Журналист