МЛС. Месси гол урган беллашувда «Интер Майами» мағлуб бўлди
«Интер Майами» МЛС мунтазам чемпионати доирасида ўз майдонида «Торонто»га 1:2 ҳисобида мағлуб бўлди.
59-дақиқада «Торонто» ҳужумчиси Жошуа Саржент ҳисобни очди. Орадан уч дақиқа ўтиб, меҳмонлар форварди Деррик Этьен жамоасининг иккинчи голини киритди.
83-дақиқада мезбонлар ҳужумчиси Лионель Месси ҳисобдаги фарқни қисқартирди ва баҳснинг якуний натижасини ўрнатди — 1:2.
Месси кетма-кет иккинчи учрашувда самарали ҳаракат қайд этди. У аввалги баҳсда «Нэшвилл»га қарши ўйинда голли узатмани амалга оширганди. Ўша учрашув «Интер Майами»нинг 1:4 ҳисобидаги мағлубияти билан якунланган.
«Интер Майами» 21 та учрашувдан кейин 39 очко билан МЛС Шарқий конференцияси турнир жадвалида 2-ўринни эгаллаб турибди.
МЛС
Интер Майами – Торонто 1:2
Голлар: Месси 83 – Саржент 59, Этьен 61
