МЛС. «Интер Майами»дан ғалаба, Мессидан гол ва учта ассист
Эндиликда жамоа «Филадельфия» — «Нью-Йорк Сити» жуфтлиги ғолибига қарши ўйнайди.
ФОТО: Getty images
АҚШнинг Цинциннати шаҳридаги «TQL Stadium» аренасида МЛС плей-оффи чорак финали доирасида «Цинциннати» ва «Интер Майами» жамоалари ўртасидаги учрашув бўлиб ўтди. Учрашув меҳмонларнинг йирик ғалабаси билан — 4:0 ҳисобида якунланди.
Ғолиб жамоа таркибида аргентиналик футболчилар Матео Сильветти ва Тадео Алленде (дубл) гол урдилар. Яна бир гол ва учта голли узатма эса юлдуз ҳужумчи Лионель Месси ҳиссасига тўғри келди.
АҚШ — Major League Soccer. 1/4 финал
Цинциннати — Интер Майами - 0:4
Голлар: 0:1 — Месси, 19', 0:2 — Сильветти, 57', 0:3 — Алленде, 62', 0:4 — Алленде, 74'
Розикжон Султонмуродов
Журналист