Миср бош мураббийи Аргентина билан ўйин олдидан нега Мессининг исмини айтмаганини тушунтирди
Миср терма жамоаси бош мураббийи Ҳоссам Ҳассан Жаҳон чемпионатининг 1/8 финали доирасидаги Аргентина (2:3) билан учрашувга тайёргарлик кўриш жараёнида нега Лионель Мессининг фамилиясини атайлаб тилга олмаганини очиқлади. Унинг сўзларига кўра, бу футболчилардаги ортиқча ҳаяжон ва қўрқувни йўқотиш мақсадида қилинган.
— "Ушбу 'Месси' сўзининг ўзи баъзи футболчиларни бироз чўчитиб қўйиши мумкин. Суҳбатлар давомида тактик таҳлилларни тушунтираётганимда ва Месси қайсидир ҳаракатни амалга оширган вазият келганда, мен унинг исмини айтишдан қочдим. Ўйинчилар онгидан ортиқча ҳурмат ёки қўрқувни чиқариб ташлаш учун '10-рақамли футболчи' ёки 'фалончи рақамдаги ўйинчи' деб гапиришни маъқул кўрдим. Рақиб жамоанинг номини ёки уларнинг юлдузларини тилга олишни истамайман", — дея Ҳассаннинг сўзларидан иқтибос келтирмоқда Mundo Deportivo.
Эслатиб ўтамиз, ўша баҳсда Миср терма жамоаси 2:0 ҳисобида олдинда бораётганди, бироқ ўйин сўнгида ўз дарвозасидан учта гол олиб чиқиб, якунда Аргентинага (2:3) имкониятни бой берди ва турнирни тарк этди. Аргентина эса чорак финалда Швейцарияни (3:1) таслим этиб, ярим финалда Англия билан тўқнаш келадиган бўлди.