Мишел Канг яқин вақт ичида «Лион»нинг якка-ю ягона эгасига айланади
Америкалик бизнесвумен Мишел Канг яқин кунларда «Лион» клубининг мутлоқ эгасига айланади. Душанба куни, 22-июн оқшомида у Ares Management (Eagle Bidco компаниясининг асосий кредитори) ҳамда Cork Gully (Жон Текстор клубнинг назорат пакети акцияларига эгалик қилган бош компания — Eagle Bidco ликвидациясини бошқарувчи тузилма) билан келишувга эришди. Бу ҳақда L'Équipe нашри хабар бермоқда.
Канг аллақачон «Лион»нинг аёллар жамоаси ҳамда Американинг «Вашингтон Спирит» клуби эгаси ҳисобланади. У 2025-йилнинг июн ойида Жон Текстордан сўнг клуб президенти лавозимини эгаллаган эди. Эндиликда амалга ошадиган ушбу битим унга назорат пакети акцияларини сотиб олиш ва якка хўжайинга айланиш имконини беради.
Eagle Bidco қарзларининг сотиб олиниши «Лион»га сешанба, 23-июн куни бўлиб ўтадиган DNCG (Франция футбол клублари молия назорати ташкилоти) эшиттиришидан олдин молиявий ҳолатни барқарорлаштиришга ёрдам беради. Аввалроқ хабар берилганидек, клуб қуйи дивизионга тушириб юборилишгача бўлган жиддий санкцияларга учраш хавфи остида турган эди. Барча расмийлаштириш ишлари 15-июлга қадар ҳал қилиниши кутилмоқда. Михаэл Герлингер эса клуб бош директори лавозимида қолади.