Миржалол Қосимов: Улар ғалабани совға қиламиз дея ваъда беришган эди ва ўз ваъдаларининг устида чиқишди
ОКМК бош мураббийи Бунёдкор билан ўйиндан кейин фикр билдирди.
photo: OKMK FK
Суперлигасининг 22-тури доирасида ОКМК - "Бунёдкор" баҳсидан кейин мезбонлар бош мураббийи Миржалол Қосимов матбуот анжуманида қатнашди.
"Ҳақиқатдан ҳам мухлисларга ёқадиган ўйин бўлди. Бу учрашув қизиқарли бўлиши кутилган эди. Биринчи бўлимда очиқ футбол намойиш этдик.
Биз яхши тайёргарлик кўрган эдик ва шу сабабли охиригача курашдик. Футболчилар туғилган кунимга энг яхши совғани тақдим этдилар.
Улар ғалабани совға қиламиз дея ваъда беришган эди ва ўз ваъдаларининг устида чиқишди. Йигитларни ғалаба билан табриклайман", — деди мутахассис.
Иброҳим Жалолов
Редактор