Миржалол Қосимов: «Ҳаммага имкон бериш учун ротаcияга қўл уряпмиз»
Суперлига 24-турдан ўрин олган "Машал" – ОКМК учрашувидан сўнг ОКМК бош мураббийи Миржалол Қосимов матбуот анжуманида иштирок этди.
- Ўйин ҳақида фикрингиз?
- Учрашувга келадиган бўлсак, ҳозир осон ўйиннинг ўзи йўқ. ФИФА кунларидан кейин қисқа муддат ичида яна тез-тез ўйинлар бўлмоқда. "Навбаҳор" билан кўп куч йўқотгандик, шу боис бугун ротацияга қўл урдик, тўрт кундан яна ўйинимиз бор, балки яна ротация қилармиз. "Машал" ҳам бор кучини кўрсатишга ҳаракат қилди. Юзага келган вазиятдан гол уриб уч очкога эга бўлдик.
- Захирадан тушганлар ҳақида?
- Захирадан тушганлар бугун асосий таркибда ҳам ўйнаши мумкин эди. Лекин айтиб ўтганимдек, ротацияга қўл урдик.
- Бугунги баҳсда қийинчилик билан 1:0 ҳисобида ғалабага эришилди. Бугунги ғалаба кейинги учрашувлар учун фойдали бўладими?
- Ҳар бир баҳсга жиддий ҳозирлик кўрамиз. Битта таркиб билан бутун мавсумни ўтказиш қийин. Қўлдан келганча ҳаммага имкон беришга ҳаракат қилиб келяпмиз.
- Рақиб жамоада сўнгги турларда асосан ёшлар ҳаракат қилмоқда. Мутахассис сифатида фикрингиз қандай: "Машал" жамоаси ҳозир тўғри йўлдами?
- Тўғриси, ичкаридаги вазиятни билмасдан туриб ташқаридан баҳо беришни ёмон кўраман. Бу борада айтадиган фикрим хато бўлиб қолиши мумкин. Фақат шуни айтишим мумкин, бугун ёшларга имкон берилиши келаси йилга аниқ вазифа борлигини кўрсатади. Менимча, "Машал" бу йил тақдирга тан бериб, келаси йил ҳозирлигини кўряпти. Бу борада бошқа ҳеч нарса дея олмайман.
