Минте “Ливерпул”га ўтишни хоҳламоқда
“Брайтон” вингери Янкуба Минте фаолиятини “Ливерпул”да давом эттиришни истамоқда. 22 ёшли гамбиялик футболчи мерсисайдликлар сафига қўшилишга жиддий қизиқиш билдирмоқда.
“Ливерпул” Минте учун аввал 50 миллион, кейин эса 60 миллион фунт таклиф қилган, бироқ “Брайтон” ҳар икки таклифни ҳам рад этган. Сўнгги хабарларга кўра, клуб футболчини тахминан 70 миллион фунтга баҳоламоқда.
Инсайдер Бен Жейкобснинг маълум қилишича, Минтенинг ўзи “Ливерпул”га ўтишни жуда хоҳлайди. Футболчи бу орқали ўзининг кумири Садио Мане босиб ўтган йўлни такрорлашни истамоқда. Минтега “Манчестер Сити” ҳам қизиқиш билдирмоқда, бироқ ҳозирча расмий таклиф юбормаган.
Маълумот учун, Минтенинг “Брайтон” билан шартномаси 2029 йил ёзигача амал қилади. Transfermarkt унинг бозор қийматини 45 миллион еврога баҳоламоқда.
