Миллионлаб мухлислар кутган мундиал фожиа билан бошланди
Турнирнинг очилиш ўйини арафасида бир мухлис вафот этди.
Футбол
Насрулло Каримов
Журналист
ФОТО: Getty Images
Мексика ва Жанубий Африка терма жамоалари ўртасидаги 2026-йилги Жаҳон чемпионатининг очилиш учрашуви бошланишидан бир неча дақиқа олдин «Астека» стадиони яқинида бир мухлис вафот этди.
Чамаси 80 ёшлар атрофидаги эркак стадионга кирганидан сўнг юрак хуржига учраган. Ижтимоий тармоқларда тарқалган видеоларда шифокорлар унга юрак-ўпка реанимацияси кўрсатаётгани акс этган.
Афсуски, кўрсатилган барча тиббий ёрдамга қарамай, мухлиснинг ҳаётини сақлаб қолишнинг иложи бўлмади.
Шу тариқа, миллионлаб мухлислар кутган Жаҳон чемпионатининг илк куни футбол байрами билан бир қаторда қайғули воқеа билан ҳам ёдда қоладиган бўлди.