«Милан»га «Арсенал» футболчиси керак
Фото: Getty Images
“Арсенал” ҳимоячиси Якуб Кивер фаолиятини Италия чемпионатида давом эттириши мумкин. Бу ҳақда журналист Себастьен Видал хабар берди.
Манбага кўра, польшалик 25 ёшли футболчига “Милан” жиддий қизиқмоқда. "Россонерилар" Малик Тиав билан хайрлашгач, Кивер билан ҳимоя чизиғини кучайтиришни режалаштирмоқда. Битим қиймати 25-30 миллион еврони ташкил этиши мумкин.
Ўтган мавсумда Кивер барча мусобақаларни инобатга олган ҳолда 30та ўйинда майдонга тушиб, 1та гол урган ва 2та голга ҳаммуаллифлик қилган.
Ҳимоячининг "канонирлар" билан амалдаги меҳнат шартномаси 2028 йилгача мўлжалланган.
Розикжон Султонмуродов
Журналист
