«Милан» Жезусни ижарага олмоқчи

“Арсенал” ҳужумчиси Габриэль Жезус фаолиятини Италия чемпионатида давом эттириши мумкин. Бу ҳақда Corriere dello Sport нашри хабар берди.

Манбага кўра, 28 ёшли бразилиялик футболчига “Милан” жиддий қизиқиш билдирмоқда.

“Россонери” январь ойидаги трансфер ойнасида Жезусни ижара асосида сафига қўшиб олишни режалаштирган.

Жорий мавсумда Габриел Жезус “Арсенал” сафида атиги икки ўйинда майдонга тушди. Футболчининг лондонликлар билан амалдаги шартномаси 2027 йил ёзигача мўлжалланган. Transfermarkt маълумотларига кўра, бразилиялик ҳужумчининг бозор қиймати 20 миллион еврони ташкил этади.

Розикжон Султонмуродов

Журналист