Milan Gabriel Jesusni ijaraga olmoqchi
Joriy mavsumda Gabriel Jesus “Arsenal” safida atigi ikki o‘yinda maydonga tushdi.
ФОТО: Getty images
“Arsenal” hujumchisi Gabriel Jesus faoliyatini Italiya chempionatida davom ettirishi mumkin. Bu haqda Corriere dello Sport nashri xabar berdi.
Manbaga ko‘ra, 28 yoshli braziliyalik futbolchiga “Milan” jiddiy qiziqish bildirmoqda.
“Rossoneri” yanvar oyidagi transfer oynasida Jesusni ijara asosida safga qo‘shib olishni rejalashtirgan.
Joriy mavsumda Gabriel Jesus “Arsenal” safida atigi ikki o‘yinda maydonga tushdi. Futbolchining londonliklar bilan amaldagi shartnomasi 2027 yil yozigacha mo‘ljallangan. Transfermarkt ma’lumotlariga ko‘ra, braziliyalik hujumchining bozor qiymati 20 million yevroni tashkil etadi.
Roziqjon Sultonmurodov
Jurnalist