«Милан» ва «Камо» учрашувидан сўнг Аллегри ва Фабрегас ўртасида жанжал келиб чиқди
Италия А Сериясининг 24-тури доирасида бўлиб ўтган «Милан» ва «Камо» учрашувидан сўнг, ҳар икки жамоа бош мураббийлари — Массимиано Аллегри ҳамда Сеск Фабрегас ўртасида тўқнашув юз берди. Бу ҳақда Football Italia нашри хабар бермоқда.
Манбанинг ёзишича, можарога ўйин давомида Фабрегаснинг ён чизиқ яқинида «Милан» ҳужумчиси Алексис Салемакерсни туртиб юборгани сабаб бўлган. Бу ҳолат Аллегрининг кескин норозилигига сабаб бўлди.
Мураббий техник зонадан ташқарига чиқиб кетгани учун ҳакам томонидан қизил карточка билан жазоланди.
Мураббийлар ўртасидаги баҳс ўйин якунланганидан сўнг, матбуот анжумани сари йўл олишаяпганда ҳам давом этган ва улар ўзаро даханаки жанжалга боришган.
Ҳозирда «Милан» 25 ўйиндан сўнг 54 очко жамғарган ҳолда А Серия турнир жадвалида 2-ўринни эгаллаб турибди ва пешқадам «Интер»дан 7 очко ортда қолмоқда. «Камо» эса 42 очко билан 6-поғонадан жой олган.
