«Milan» va «Komo» uchrashuvidan so‘ng Allegri va Fabregas o‘rtasida janjal kelib chiqdi
Italiya A Seriyasining 24-turi doirasida bo‘lib o‘tgan «Milan» va «Komo» uchrashuvidan so‘ng, har ikki jamoa bosh murabbiylari — Massimiliano Allegri hamda Sesk Fabregas o‘rtasida to‘qnashuv yuz berdi. Bu haqda Football Italia nashri xabar bermoqda.
Manbaning yozishicha, mojaroga o‘yin davomida Fabregasning yon chiziq yaqinida «Milan» hujumchisi Aleksis Salemakersni turtib yuborgani sabab bo‘lgan. Bu holat Allegrining keskin noroziligiga sabab bo‘ldi.
Murabbiy texnik zonadan tashqariga chiqib ketgani uchun hakam tomonidan qizil kartochka bilan jazolandi.
Murabbiylar o‘rtasidagi bahs o‘yin yakunlanganidan so‘ng, matbuot anjumani sari yo‘l olishayotganda ham davom etgan va ular o‘zaro dahanaki janjalga borishgan.
Hozirda «Milan» 25 o‘yindan so‘ng 54 ochko jamg‘argan holda A Seriya turnir jadvalida 2-o‘rinni egallab turibdi va peshqadam «Inter»dan 7 ochko ortda qolmoqda. «Komo» esa 42 ochko bilan 6-pog‘onadan joy olgan.
