“Милан” ва “Интер” ўртоқлик учрашувида дуранг ўйнади
Шу тариқа, Милан дербисининг навбатдаги ўртоқлик баҳсида ғолиб аниқланмади.
Фото: Getty Images
Италиянинг “Милан” ва “Интер” клублари Австралияда ўтказилган ўртоқлик учрашувида 1:1 ҳисобида дуранг қайд этди.
Перт шаҳридаги “Optus” стадионида бўлиб ўтган баҳснинг биринчи бўлимида ҳисоб очилмади. 53-дақиқада Федерико Димарко гол уриб, “Интер”ни олдинга олиб чиқди.
“Милан” учрашув якунига яқин мувозанатни тиклашга муваффақ бўлди. 84-дақиқада Кристофер Нкунку пенальтини аниқ амалга ошириб, якуний ҳисобни ўрнатди — 1:1.
Шу тариқа, Милан дербисининг навбатдаги ўртоқлик баҳсида ғолиб аниқланмади.
Насрулло Каримов
Журналист