\"Милан\" ва \"Фиорентина\" Иммобиле билан шартнома имзоламоқчи
Фото: Getty Images
Италиялик ҳужумчи Чиро Иммобиле фаолиятини яна ватанида давом эттириши мумкин, дея хабар беради Corriere dello Sport.
Қайд этилишича, “Милан” ва “Фиорентина” 35 ёшли форвардга жиддий қизиқиш билдирмоқда. Флоренция клуби Мойсе Кин кетган тақдирда Иммобиле унинг ўрнини эгаллашига умид қилмоқда.
Иммобиле учун курашда "Милан" "Фиорентина" билан рақобатлашади. Футболчининг агенти бир кун аввал “россонерилар” базасига ташриф буюрган.
Қайд этилишича, миланликлардан олдинга ўтишга уринаётган “бинафшаранглар” 35 ёшли ҳужумчига икки йиллик шартнома таклиф қилишган.
Ўтган мавсум Чиро “Бешиктош” сафида Туркия Суперлигасида 15та гол уриб, жамоасининг энг яхши тўпурарига айланди.
