\"Milan\" va \"Fiorentina\" Immobile bilan shartnoma imzolamoqchi

Futbol 14 iyn 2025 da 14:30

Roziqjon Sultonmurodov

Jurnalist

Italiyalik hujumchi Ciro Immobile faoliyatini yana vatanida davom ettirishi mumkin, deya xabar beradi Corriere dello Sport.

Qayd etilishicha, “Milan” va “Fiorentina” 35 yoshli forvardga jiddiy qiziqish bildirmoqda. Florensiya klubi Moyse Kin ketgan taqdirda Immobile uning o'rnini egallashiga umid qilmoqda.

Immobile uchun kurashda "Milan" "Fiorentina" bilan raqobatlashadi. Futbolchining agenti bir kun avval “rossonerilar” bazasiga tashrif buyurgan.

Qayd etilishicha, milanliklardan oldinga o'tishga urinayotgan “binafsharanglar” 35 yoshli hujumchiga ikki yillik shartnoma taklif qilishgan.

O'tgan mavsum Ciro “Beshiktosh” safida Turkiya Superligasida 15ta gol urib, jamoasining eng yaxshi to'purari bo'ldi.

Aloqador jamoalar va ligalar

AC Milan

Fiorentina