«Милан» Кристиан Пулишични сотишдан бош тортди
Унга MLS клубидан таклиф тушганди.
Футбол
Насрулло Каримов
Журналист
ФОТО: Getty Images
«Милан» клуби америкалик яримҳимоячи Кристиан Пулишични «Нью-Йорк Сити»га қўйиб юборишни истамади.
Хабарларга кўра, MLS вакили Пулишични АҚШга қайтариш учун катта шартнома таклиф қилишга тайёр бўлган. Бироқ «Милан» раҳбарияти футболчини жамоанинг муҳим қисми деб ҳисобламоқда ва унинг трансферига рухсат бермаган.
Пулишич «россонерилар» сафида асосий футболчилардан бири сифатида кўрилмоқда. Шу сабабли Италия клуби ҳозирча у бўйича таклифларни кўриб чиқишни режалаштирмаяпти.
«Нью-Йорк Сити» эса америкалик футболчини ўз сафига қўшиб, уни клуб лойиҳасининг асосий юлдузларидан бирига айлантиришни мақсад қилган эди. Ҳозирча Кристиан Пулишичнинг «Милан»даги келажаги ўзгаришсиз қолмоқда.