“Milan” Kristian Pulishichni sotishdan bosh tortdi
Unga MLS klubidan taklif tushgandi.
Futbol
Nasrullo Karimov
Jurnalist
FOTO: Getty Images
“Milan” klubi amerikalik yarimhimoyachi Kristian Pulishichni “Nyu-York Siti”ga qo‘yib yuborishni istamadi.
Xabarlarga ko‘ra, MLS vakili Pulishichni AQSHga qaytarish uchun katta shartnoma taklif qilishga tayyor bo‘lgan. Biroq “Milan” rahbariyati futbolchini jamoaning muhim qismi deb hisoblamoqda va uning transferiga ruxsat bermagan.
Pulishich “rossonerilar” safida asosiy futbolchilardan biri sifatida ko‘rilmoqda. Shu sababli Italiya klubi hozircha u bo‘yicha takliflarni ko‘rib chiqishni rejalashtirmayapti.
“Nyu-York Siti” esa amerikalik futbolchini o‘z safiga qo‘shib, uni klub loyihasining asosiy yulduzlaridan biriga aylantirishni maqsad qilgan edi. Hozircha Kristian Pulishichning “Milan”dagi kelajagi o‘zgarishsiz qolmoqda.