«Милан» Икардининг номзодидан воз кечиши мумкин
Мауро Икарди илгари "Интер" ва "Сампдория"да ўйнаган.
ФОТО: Getty images
"Галатасарой" ҳужумчиси Мауро Икардининг "Милан"га ўтиши амалга ошмаслиги мумкин.
Журналист Фабрицио Романонинг ёзишича, “россонерилар”нинг режаларига ўзгариш киритилган. Клуб аргентиналик форвард учун асосий харидор эмас.
Клуб “Вест Хэм”дан Никлас Фьюллкругни ижарага олишни режалаштирмоқда. Германиялик футболчи устувор вариант бўлиб қолмоқда, трансфер январь ойининг бошларига қадар якунланишига умид қилинмоқда.
Агар Никлас келиша олмаса, “Милан” 32 ёшли Икардига эътибор қаратиши мумкин.
Аввалроқ Мауро Икарди илгари "Интер" ва "Сампдория"да ўйнаган А Серияга қайтишни исташи ҳақида хабар берилган эди.
Розикжон Султонмуродов
Журналист