«Милан» Диашни cотиб олишга тайёр
Диашнинг «Манчестер Сити» билан амалдаги шартномаси 2029 йил ёзига қадар мўлжалланган.
ФОТО: Getty images
«Милан» клуби «Манчестер Сити» ҳимоячиси Рубен Диашни марказий ҳимоя чизиғини кучайтириш учун номзодлардан бири сифатида кўриб чиқмоқда. Бу ҳақда Foot Mercato хабар берди.
Манбага кўра, «Милан» ҳозирча 29 ёшли португалиялик футболчи бўйича расмий таклиф юбормаган ва футболчининг ўзи билан ҳам ҳеч қандай келишувга эришмаган.
Диашнинг «Манчестер Сити» билан амалдаги шартномаси 2029 йил ёзига қадар мўлжалланган. Шунингдек, манчестерликлар ҳимоячини сотиш ниятида эмаслиги ҳақида аввал ҳам хабарлар тарқалган.
Ўтган мавсумда Рубен «Манчестер Сити» сафида барча мусобақаларда 33 та учрашув ўтказиб, 2 та гол урган ва 4 марта огоҳлантирилган.
Transfermarkt портали Диашнинг бозор қийматини 55 млн евро деб баҳоламоқда.
Розикжон Султонмуродов
Журналист
