«Милан» Андони Ираола билан алоқага чиқди
Аввалроқ Массимилиано Аллегри «россонерилар»ни тарк этганди.
ФОТО: Getty Images
«Милан» клуби мураббий Андони Ираоланинг вакиллари билан боғланиб, унга клубда ишлаш таклифини билдирди. Бу ҳақда Sky Sports хабар бермоқда.
25 май куни Италия клуби бош мураббий Массимилиано Аллегри истеъфога чиқарилганини маълум қилди. Шунингдек, бош директор Жоржо Фурлани ва спорт директори Игли Таре ҳам ўз лавозимидан озод этилди.
Ираола шу ёзда «Борнмут»ни тарк этишини тасдиқлаганидан кейин унинг номи бир қатор клублар билан боғланмоқда. Номзодлар қаторида Лондоннинг «Кристал Пэлас» ва Леверкузеннинг «Байер» клублари ҳам бор.
Ираоланинг ажойиб меҳнати эвазига «олча»лар ўз тарихида илк бор (127 йил ичида) еврокубоклар йўлланмасини қўлга киритишди ва мавсумнинг сўнгги 18 та учрашувини мағлубиятсиз якунлашди.
Насрулло Каримов
Журналист
