«Milan» Andoni Iraola bilan aloqaga chiqdi

«Milan» klubi murabbiy Andoni Iraolaning vakillari bilan bog‘lanib, unga klubda ishlash taklifini bildirdi. Bu haqda Sky Sports xabar bermoqda.

25 may kuni Italiya klubi bosh murabbiy Massimiliano Allegri iste’foga chiqarilganini ma’lum qildi. Shuningdek, bosh direktor Jorjo Furlani va sport direktori Igli Tare ham o‘z lavozimidan ozod etildi.

Iraola shu yozda «Bornmut»ni tark etishini tasdiqlaganidan keyin uning nomi bir qator klublar bilan bog‘lanmoqda. Nomzodlar qatorida Londonning «Kristal Pelas» va Leverkuzenning «Bayer» klublari ham bor.

Iraolaning ajoyib mehnati evaziga «olchalar» o‘z tarixida ilk bor (127 yil ichida) yevrokuboklar yo‘llanmasini qo‘lga kiritishdi va mavsumning so‘nggi 18 ta uchrashuvini mag‘lubiyatsiz yakunlashdi.

Nasrullo Karimov

Jurnalist