Микел Артета: «Бен Уайт «ПСЖ»га қарши баҳсни ўтказиб юборади»
Лондоннинг «Арсенал» клуби бош мураббийи Микел Артета Чемпионлар лигасининг 2025/2026 йилги мавсум финалидан ўрин олган ПСЖга қарши ўйинда қайси футболчилар жамоасига ёрдам бера олмаслигини маълум қилди.
Ушбу ҳал қилувчи баҳс эртага, 30 май куни Будапештдаги (Венгрия) «Пушкаш Арена» стадионида бўлиб ўтади.
«Биз бор эътиборимизни жамлаганмиз. Бу ерда бўлишга тўлақонли лойиқ эдик. Тимбер ҳам, Мадуэке ҳам майдонга тушишга тайёр. Фақатгина Бен Уайт эртанги баҳсни ўтказиб юборади. Мен футболчиларнинг кўзида рингга (майдонга) тушиш иштиёқини кўряпман, бундай муҳим учрашувда барча иштирок этишни хоҳлайди», — дейди Артета.
Эслатиб ўтамиз, ярим финал босқичида Парижнинг ПСЖ жамоаси икки ўйин натижасига кўра «Бавария»ни 6:5 ҳисобида таслим этган эди. «Арсенал» эса ярим финалда Мадриднинг «Атлетико» клубидан икки ўйин натижасига кўра 2:1 ҳисобида устун келиб, финал йўлланмасини қўлга киритган.
