«Металлург» аъзолари IFAB ўйин қоидаларига киритилган ўзгаришлар билан таништирилди
PRO-Лигада мавсумнинг иккинчи қисмига қизғин тайёргарлик кўраётган "Металлург" клуби аъзолари IFAB — Халқаро футбол ассоциациялари кенгаши ўйин қоидаларига киритилган ўзгаришлар билан таништириб ўтилди.
Мазкур учрашув давомида ташкилот вакиллари амалиётга жорий этилган ўзгартишлар, янги қоидалар ҳақида батафсил маълумот бериб ўтишди.
Жумладан, шу кунларда АҚШ, Канада ва Мексика майдонларида давом этаётган мундиалда гувоҳи бўлаётганимиз тўпни эркин зарба билан ва ён чизиқдан ўйинга киритишда учрашув вақтини сунъий равишда чўзилишининг олдини олиш учун тескари саноқ услубидан фойдаланиш, футболчи ўзини ёмон ҳис қилиб, шифокорлар ёрдамига мурожаат қилинганда унга майдонда ёки унинг ташқарисида ёрдам кўрсатилиши тартиби, ўйинчи алмаштириш учун ажратилган вақт назорати, тартиб-интизом санкциялари ҳақида сўз юритилди.
