«Металлург» 6 нафар футболчини ўз сафига қўшиб олди

PRO-Лигада мавсумнинг иккинчи қисмига қизғин тайёргарлик кўраётган Бекободнинг "Металлург" клуби таркибни шакллантириш ишларини ҳам унутгани йўқ.

"Аввалроқ хабар берганимиздек, жамоамиз бир неча нафар футболчи билан хайрлашди. Ўз навбатида, таркибга янги футболчилар жалб этилди. Марко Миличкович, Азизбек Абдумўминов, Жасур Азимов, Асадбек Каримов, Самандар Очилов ва Даврон Сулеймонов иккинчи даврада "Металлург" шарафини ҳимоя қиладиган бўлди.

Жамоамизнинг янги аъзоларига омад ёр бўлишини тилаймиз. Улар ўзларининг ишончли ўйини, самарали ҳаракатлари билан жамоа муваффақиятига ўз ҳиссаларини қўшишларига тилакдошмиз", - деб ёзилади клуб расмий саҳифасида.

Иброҳим Жалолов

Редактор