«Metallurg» 6 nafar futbolchini o‘z safiga qo‘shib oldi

PRO-Ligada mavsumning ikkinchi qismiga qizg‘in tayyorgarlik ko‘rayotgan Bekobodning "Metallurg" klubi tarkibni shakllantirish ishlarini ham unutgani yo‘q.

"Avvalroq xabar berganimizdek, jamoamiz bir necha nafar futbolchi bilan xayrlashdi. O‘z navbatida, tarkibga yangi futbolchilar jalb etildi. Marko Milichkovich, Azizbek Abdumo‘minov, Jasur Azimov, Asadbek Karimov, Samandar Ochilov va Davron Sulaymonov ikkinchi davrada "Metallurg" sharafini himoya qiladigan bo‘ldi.

Jamoamizning yangi a’zolariga omad yor bo‘lishini tilaymiz. Ular o‘zlarining ishonchli o‘yini, samarali harakatlari bilan jamoa muvaffaqiyatiga o‘z hissalarini qo‘shishlariga tilakdoshmiz",-deb yoziladi klub rasmiy sahifasida.

Ibrohim Jalolov

Redaktor