Мессининг фаолиятидаги голлари сони 923 тага етди
Ҳозирда икки футболчи ўртасида урилган голлар бўйича фарқ 54 тани ташкил этмоқда.
ФОТО: Getty images
«Интер Майами» ҳужумчиси Лионель Месси профессионал фаолиятидаги 923-голини урди.
Гап шундаки, 39 ёшли аргентиналик юлдуз МЛС доирасида «Торонто»га қарши кечган учрашувда гол муаллифи бўлди. Лео гол урганига қарамай, «Интер Майами» ўз майдлнидаги беллашувда рақибига 1:2 ҳисобида имкониятни бой берди.
Манбада келтирилган статистикага кўра, Месси фаолияти давомида 1170 та учрашув ўтказиб, 923 та гол урган ва 420 та голли узатмани амалга оширган.
Унинг азалий рақобатчиси, «Ан-Наср» ҳужумчиси Криштиану Роналду ҳисобида эса 1331 та учрашувда 977 та гол ва 261 та голли узатма бор.
Ҳозирда икки футболчи ўртасида урилган голлар бўйича фарқ 54 тани ташкил этмоқда.
Розикжон Султонмуродов
Журналист