Мессининг бозордаги нархи яна пасайди
Transfermarkt портали футболчиларнинг янгиланган нархларини эълон қилди.
ФОТО: Getty Images
«Интер Майами» ҳужумчиси Лионель Мессининг бозор қиймати Transfermarkt портали томонидан янгиланган рейтингда 3 млн еврога камайди. 38 ёшли аргентиналик футболчи ҳозирда 15 млн евро деб баҳоланмоқда.
Мессининг фаолиятидаги энг юқори бозор қиймати 2018 йилда, «Барселона» сафида ўйнаган пайтида қайд этилган. Ўшанда у 180 млн еврога тенг бўлган.
Месси «Интер Майами»га 2023 йилнинг ёзида қўшилган. Шу вақт мобайнида у барча мусобақаларда 88 та ўйинда қатнашиб, 77 та гол урди ва 44 та голли узатма берди. Футболчининг амалдаги шартномаси 2028 йил охиригача мўлжалланган.
Эслатиб ўтамиз, аввалроқ Месси «Интер Майами» билан MLS кубогини қўлга киритганди.
Насрулло Каримов
Журналист