Месси ЖЧ-2026да иштирок этишни истаганини айтди
Бу галги мундиалга АҚШ, Мексика ва Канада мезбонлик қилади.
ФОТО: Getty Images
«Интер Майами» ҳужумчиси Лионел Месси 2026 йилда АҚШ, Мексика ва Канадада бўлиб ўтадиган Жаҳон чемпионатида ўйнаш истагини билдирди.
Эслатиб ўтамиз, Месси амалдаги жаҳон чемпиони ҳисобланади. У 2022 йил Қатарда бўлиб ўтган мундиалда Аргентина билан бирга финалда Францияни мағлуб этиб, бош совринни қўлга киритганди.
«Мен ўзимни яхши ҳолатда сақлаб, миллий жамоада муҳим роль ўйнашни истайман. Бу — Жаҳон чемпионати ва бу ҳар доим ҳаяжонли. Биз аввалги турнирни ютдик, энди эса бу унвонни ҳимоя қилиш ажойиб бўларди», — деди Месси.
Маълумот учун, 2026 йилги Жаҳон чемпионати 11 июндан 19 июлга қадар давом этади. Турнир тарихда илк бор учта мамлакатда — АҚШ, Мексика ва Канадада ўтказилади.
Насрулло Каримов
Журналист
