Messi JCh-2026da ishtirok etishni istayotganini aytdi
Bu galgi mundialga AQSh, Meksika va Kanada mezbonlik qiladi.
FOTO: Getty Images
«Inter Mayami» hujumchisi Lionel Messi 2026 yilda AQSh, Meksika va Kanadada boʻlib oʻtadigan Jahon chempionatida oʻynash istagini bildirdi.
Eslatib oʻtamiz, Messi amaldagi jahon chempioni hisoblanadi. U 2022 yil Qatarda boʻlib oʻtgan mundialda Argentina bir bilan birga finalda Fransiyani magʻlub etib, bosh sovrinni qoʻlga kiritgandi.
«Men o‘zimni yaxshi holatda saqlab, milliy jamoada muhim rol oʻynashni istayman. Bu — Jahon chempionati va bu har doim hayajonli. Biz avvalgi turnirni yutdik, endi esa bu unvonni himoya qilish ajoyib boʻlardi», — dedi Messi.
Maʼlumot uchun, 2026 yilgi Jahon chempionati 11 iyundan 19 iyulga qadar davom etadi. Turnir tarixda ilk bor uchta mamlakatda — AQSh, Meksika va Kanadada oʻtkaziladi.
Nasrullo Karimov
Jurnalist
