Месси ва Суарес тўлиқ ўйнаган ўйинда “Интер Майами” мағлубиятга учради
ФОТО: Getty Images
КОНКАКАФ Чемпионлар Кубоги чорак финалидан ўрин олган дастлабки учрашувда “Интер Майами” “Лос-Анжелос” меҳмони бўлди ва минимал ҳисобда мағлубиятга учради.
Беллашувда ҳисоб 57-дақиқада Натан Ордаз томонидан очилди ва ўйин якунига қадар ягоналигини сақлаб қолди.
Таъкидлаш жоиз, “Интер Маями” сафида Лионель Месси, Луис Суарес, Серхио Бускетс ва Жорди Альба тўлиқ ҳаракат қилди.
Маълумот учун, КОНКАКАФ Чемпионлар Кубоги 1/4 финалининг жавоб ўйини 10-апрел куни Флоридада бўлиб ўтади.
Насрулло Каримов
Журналист