Месси ва Де Пауль Аргентинага қайтмади
Аргентина терма жамоаси футболчилари Лионель Месси ва Родриго Де Пауль 2026 йилги жаҳон чемпионати финалидан кейин жамоа билан бирга ватанга қайтмади. Бу ҳақда OneFootball хабар берди.
Манба маълумотига кўра, ҳар икки футболчи АҚШнинг "Интер Майами" клубида тўп сураётгани сабабли таътилни айнан шу мамлакатда бошлашга қарор қилган. Шу боис улар Аргентинага учган делегация таркибига киритилмаган.
Қайд этилишича, терма жамоанинг фақат бир қисми махсус чартер рейси орқали Буэнос-Айресга йўл олган. Шунингдек, мамлакат пойтахтида жаҳон чемпионатининг кумуш медали соҳибларини оммавий тарзда кутиб олиш ёки улар шарафига тантанали тадбир ўтказиш режалаштирилмаган.
Эслатиб ўтамиз, жаҳон чемпионати финалида Аргентина қўшимча бўлимларда Испанияга 0:1 ҳисобида мағлуб бўлди. Шу тариқа Испания ўз тарихида иккинчи бор жаҳон чемпиони унвонини қўлга киритди.
