Месси терма жамоадаги келажаги бўйича ҳали қарор қабул қилмаган
Аргентина терма жамоаси сардори ва ҳужумчиси Лионель Месси миллий жамоадаги келажаги бўйича ҳозирча якуний қарорга келмаган. Бу ҳақда TyC Sports хабар берди.
Манбага кўра, 39 ёшли футболчи 2026 йилги жаҳон чемпионатига терма жамоадаги фаолиятини якунлаш ҳақида тайёр қарор билан бормаган. Шунингдек, у яқинларига ҳам ушбу мундиалдан кейин миллий жамоа билан хайрлашишини айтмаган.
Эслатиб ўтамиз, Месси 2026 йилги жаҳон чемпионатида яна бир қатор тарихий натижаларни қайд этди. У жаҳон чемпионатлари тарихида 20 голлик маррадан ошган илк футболчига айланди. Шунингдек, мусобақанинг энг яхши ассистенти бўлди ва жаҳон чемпионатлари тарихида энг кўп учрашувда майдонга тушган футболчи сифатида янги рекорд ўрнатди.
Маълумот учун, 2026 йилги жаҳон чемпионати ғолиблигини Испания терма жамоаси қўлга киритди.
