Месси Саудия чемпионатига йўл олиши мумкин — манба
У МЛС савиядан норози бўлган
Фото: Getty Images
“Интер Майами” ҳужумчиси Лионель Мессининг отаси Хорхе Месси Саудия Арабистони давлат инвестиция жамғармаси билан музокаралар олиб бормоқда.
Журналист Саша Таволери хабар беришича, Месси МЛСни тарк этиши мумкин. У лига савиясидан норози ва Флорида клуби билан музокараларни давом эттиргани йўқ.
Футболчи ўзи истаган таклиф бўлса, Саудияга йўл олиши мумкин. Унга аввалроқ “Ал-Ҳилол” ва “Ал-Иттиҳод” жамоалари томонидан таклифлар келиб тушганди. Бироқ у МЛСга йўл олишни афзал билганди.
Эслатиб ўтамиз, Мессининг “Интер Майами" билан амалдаги шартномаси 2025 йилнинг охиригача амал қилади.