Messi Saudiya chempionatiga yo‘l olishi mumkin — manba
U MLS saviyasidan norozi bo‘lgan
Photo: Getty Images
“Inter Mayami” hujumchisi Lionel Messining otasi Xorxe Messi Saudiya Arabistoni Davlat Investitsiya jamg‘armasi bilan muzokaralar olib bormoqda.
Jurnalist Sasha Tavoleri xabar berishicha, Messi MLSni tark etishi mumkin. U liga saviyasidan norozi va Florida klubi bilan muzokaralarni davom ettirgani yo‘q.
Futbolchi o‘zi istagan taklif bo‘lsa, Saudiya tomon yo‘l olishi mumkin. Ungacha unga “Al-Hilol” va “Al-Ittihod” jamoalari tomonidan takliflar kelib tushgandi. Biroq u MLSga yo‘l olishni afzal bilgandi.
Eslatib o‘tamiz, Messining “Inter Mayami” bilan amaldagi shartnomasi 2025 yil oxirigacha amal qiladi.