Месси: «Ростини айтсам, ўзимни мураббий сифатида тасаввур қилмайман»
Аргентиналик юлдуз фаолиятини якунлаганидан сўнг нима билан шуғулланишини айтди.
ФОТО: Getty Images
Лионел Месси футболчилик фаолиятини тугатгач, мураббий бўлишни режалаштираётгани йўқ.
Аргентина терма жамоаси ва «Интер Майами» ҳужумчисининг айтишича, у ўзини кўпроқ бошқарув ёки клуб эгаси сифатида кўради.
Месси шундай деди:
«Ростини айтсам, ўзимни мураббий сифатида тасаввур қилмайман. Менга клубни бошқариш ғояси ёқади. Агар танлашга тўғри келса, мен клуб эгаси бўлишни хоҳлар эдим. Нолдан клуб қуриш, ёш футболчиларга имконият бериш ва уларнинг ривожланишига ёрдам бериш — айнан шу нарса мени кўпроқ қизиқтиради».
Эслатиб ўтамиз, Месси аввалроқ «Барселона» ва ПСЖ сафида ҳам тўп сурган.
Насрулло Каримов
Журналист