Месси МЛСда ойнинг энг яхши футболчиси деб топилди
Бу мукофот оммавий ахборот воситалари вакиллари овозига кўра берилади.
ФОТО: Getty images
“Интер Майами” ҳужумчиси Лионель Месси АҚШнинг МЛС чемпионатида октябрь ойининг энг яхши футболчиси деб топилди.
Бу мукофот оммавий ахборот воситалари вакиллари овозига кўра берилади.
Октябрь ойида 38 ёшли аргентиналик футболчи 3 та ўйинда майдонга тушиб, 5 та гол урди ва 5 та голли узатма амалга оширди — жами 10 очко (5+5) тўплади.
Месси мавсум давомида учинчи марта ой футболчиси бўлди. У шу билан ўз фаолиятида бешинчи бор МЛСда бу совринни қўлга киритди.
Бундан ташқари, Лионель МЛС тарихида икки мавсум ичида беш марта “Ой футболчиси” деб топилган илк футболчига айланди.
Розикжон Султонмуродов
Журналист