Месси Испаниядаги очиқ машғулотда мухлисларга миннатдорчилик билдирди
Аргентина 14 ноябрь куни Анголага қарши майдонга тушади.
ФОТО: Getty Images
Аргентина терма жамоаси сардори ва ҳужумчиси Лионель Месси Испаниядаги «Мануэл Мартинес Валеро» стадионида ўтказилган очиқ машғулотга ташриф буюрган мухлисларга ўз миннатдорчилигини изҳор этди.
Маълумотларга кўра, машғулотни 20 мингдан ортиқ томошабин кузатган.
«Охирги марта бу ерда бўлганимга анча вақт бўлди. Ростини айтсам, қаерга боришимдан қатъи назар, сизлар томонидан билдириладиган муҳаббат мени ҳар сафар ҳайратга солади. Келганингиз учун катта раҳмат, ораларингизда жуда кўп аргентиналик мухлислар бор эди! Сизни яна кўрганимдан жуда хурсандман», — деб ёзди Месси.
Эслатиб ўтамиз, мазкур машғулот Аргентина терма жамоасининг Анголага қарши 14 ноябрь куни бўлиб ўтадиган йиғин олди баҳсидан аввал ўтказилди.
Насрулло Каримов
Журналист
