Месси фаолиятини Туркия чемпионатида давом эттириши мумкин — манба
Клуб Месси бўйича вазиятдан хабардор ва у билан тезроқ келишувга эришишни режалаштирмоқда.
ФОТО: Getty images
Аргентиналик футболчи Лионель Месси 2026-йилги Жаҳон чемпионати олдидан спорт формасини сақлаб туриш мақсадида вақтинча фаолиятини Туркия чемпионатида давом эттириши мумкин.
Туркиянинг Fotomac нашри хабарига кўра, аргентиналик футболчи 4 ойлик шартнома асосида “Галатасарой”га ўтиши мумкин.
Клуб Месси бўйича вазиятдан хабардор ва у билан тезроқ келишувга эришишни режалаштирмоқда.
“Галатасарой” ёзда Виктор Осимҳен, Лерой Сане ва Илкай Гюндўған каби футболчилар билан шартнома имзоалди. Ҳозирда истанбулликлар Туркия чемпионатида 29 очко билан етакчилик қилмоқда.
Эслатиб ўтамиз, 38 ёшли Месси 2023-йилдан бери “Интер Майами” сафида тўп суради. У фаолияти давомида “Барселона” ва “Пари Сен-Жермен” клубларида ҳам ўйнаган.
Розикжон Султонмуродов
Журналист