Messi faoliyatini Turkiya chempionatida davom ettirishi mumkin — manba
Argentinalik futbolchi Lionel Messi 2026-yilgi Jahon chempionati oldidan sport formasini saqlab turish maqsadida vaqtincha faoliyatini Turkiya chempionatida davom ettirishi mumkin.
Turkiyaning Fotomac nashri xabariga ko‘ra, argentinalik futbolchi 4 oylik shartnoma asosida “Galatasaroy”ga o‘tishi mumkin.
Klub Messi bo‘yicha vaziyatdan xabardor va u bilan tezroq kelishuvga erishishni rejalashtirmoqda.
“Galatasaroy” yozda Viktor Osimhen, Leroy Sane va Ilkay Gündoğan kabi futbolchilar bilan shartnoma imzoladi. Hozirda istanbulliklar Turkiya chempionatida 29 ochko bilan yetakchilik qilmoqda.
Eslatib o‘tamiz, 38 yoshli Messi 2023-yildan beri “Inter Mayami” safida to‘p suradi. U faoliyati davomida “Barselona” va “Pari Sen-Jermen” klublarida ham o‘ynagan.
