Месси фаолиятидаги 930-голини урди
МЛС мунтазам чемпионати доирасида Лионель Месси тўп тепадиган «Интер Майами» ўз майдонида «Сан-Диего» билан 2:2 ҳисобида дуранг ўйнади.
Учрашувда аргентиналик юлдуз ҳам ўз номини таблога ёздирди. 39 ёшли Месси учун мазкур гол профессионал фаолиятидаги 930-гол бўлди.
Аргентиналик ҳужумчи ушбу натижага эришиш учун 1176 та учрашув ўтказди. Шу тариқа Месси фаолияти давомида голлар сони бўйича яна бир юқори кўрсаткични қайд этди.
Таққослаш учун, 41 ёшли Криштиану Роналду ҳисобида ҳозирча 1337 та ўйинда 979 та гол бор. Демак, португалиялик футболчи Мессидан 49 та кўпроқ гол урган, аммо бу натижага эришиш учун у 161 та кўпроқ учрашув ўтказган.
Месси «Интер Майами» сафида 2023 йилдан буён ҳаракат қилмоқда. Аргентиналик юлдузнинг Америка клуби билан амалдаги шартномаси 2028 йилга қадар мўлжалланган.
Лео «Интер Майами» билан бирга ҳозирга қадар 5 та совринни қўлга киритган.
