Месси: «Баъзида ақл оёқлардан тезроқ ишлайди, бироқ мен ҳар доим буни енгишга ҳаракат қилганман»
Аргентиналик юлдуз ёши ўтгани сари ўйин услуби қандай ўзгаргани ҳақида гапирди.
ФОТО: Getty Images
«Интер Майами» ҳужумчиси Лионел Месси ёши улғайгани сари ўйин услуби қандай ўзгаргани ҳақида фикр билдирди.
«Албатта, ёш ўтган сари ёшликдаги айрим фазилатларингиз йўқолади — тезлик, реакция, ўйинни кўриш ва қарор қабул қилиш тезлиги каби.
Баъзида ақл оёқлардан тезроқ ишлайди. Аммо мен ҳар доим буни енгишга ҳаракат қилганман ва ҳозир ҳам энг яхши ҳолатимда бўлишга интиламан. Жисмоний имкониятларимни тўлиқ ишлатиб, ўйинимни янги шароитларга мослаштиришга ҳаракат қиламан», — деди Месси.
Маълумот учун, аргентиналик юлдуз 30 ёшдан кейин уч марта «Олтин тўп»ни қўлга киритди ва 2022 йил Қатарда бўлиб ўтган Жаҳон чемпионатида илк бор зафар қучди.
Насрулло Каримов
Журналист