Месси: «Англияга қарши ўйин мен учун алоҳида аҳамиятга эга»
Аргентина терма жамоаси сардори ва ҳужумчиси Лионель Месси Англияга қарши бўлиб ўтадиган Жаҳон чемпионати–2026 ярим финал баҳси ҳақида ўз фикрлари билан ўртоқлашди.
Чорак финалда Аргентина Швейцарияни 3:1 ҳисобида мағлуб этган эди. Энди эса «альбиселесте» финал йўлланмаси учун Англия билан куч синашади.
— Бу Англияга қарши илк ўйинингиз бўлади. Бу баҳс сиз ва барча аргентиналиклар учун алоҳида аҳамиятга эгами?
«Албатта. Кучли терма жамоаларга қарши ўйинлар ҳар доим ўзига хос аҳамиятга эга. Мен Англияга қарши аввал ҳеч қачон ўйнамаганман, шунинг учун бу мен учун ноёб учрашув бўлади.
Бу Жаҳон чемпионатининг ярим финали. Энди дам олиб, ушбу баҳсга пухта тайёргарлик кўрамиз. Швейцарияга қарши ўйинда икки қўшимча тайм ўйнаганимиз учун жамоамиз жуда кўп куч сарфлади», — деди Месси Швейцария билан ўйиндан кейин аралаш ҳудудда журналистлар билан суҳбатда.
