Месси 49-совринини қўлга киритиб, жаҳон рекордини янгилади
Месси 49-совринини қўлга киритиб, жаҳон рекордини янгилади
Бу кўрсаткич бўйича 2-ўринда Леонинг «Барса»даги собиқ жамоадоши Дани Алвес бормоқда.
«Интер Майами» футболчиси Лионель Месси фаолиятидаги 49-совринини қўлга киритди ва футбол тарихида энг кўп жамоавий соврин ютган футболчи сифатида ўз рекордини янгилади.
Campeones Cup баҳсида «Интер Майами» Мексиканинг «Круз Асул» клубини 2:0 ҳисобида мағлуб этиб, ўз тарихида илк бор ушбу совринга эга чиқди.
Бу кўрсаткич бўйича 2-ўринда Мессининг «Барселона»даги собиқ жамоадоши Дани Алвес бормоқда. Фаолиятини якунлаган бразилиялик футболчи 45 та соврин қўлга киритган.
Маълумот ўрнида, Месси 2023 йилдан буён «Интер Майами» шарафини ҳимоя қилиб келмоқда. Унинг клуб билан шартномаси 2028 йилга қадар мўлжалланган.
Аргентиналик футболчи «Интер Майами» сафида барча мусобақаларда 115 та ўйин ўтказиб, 100 та гол урган ва 58 та ассист амалга оширган.
