Мексика 40 йилдан сўнг биринчи марта плей-оффда ғалаба қозонди
Мексика 1/8 финалда Англия ва Конго ДР учрашуви ғолиби билан куч синашади.
ФОТО: Getty images
Жаҳон чемпионати 1/16 финал босқичида Мексика миллий терма жамоаси Эквадорни 2:0 ҳисобида мағлуб этиб, 1/8 финалга йўл олди.
Шу тариқа, Мексика терма жамоаси 1986 йилдан бери илк бор Жаҳон чемпионатида плей-оффнинг биринчи босқичидан ўтишга муваффақ бўлди. Ўша мундиалда Мексика мезбонлик қилган ва чорак финалгача етиб борган эди.
Эндиликда Мексика 1/8 финалда Англия ва Конго Демократик Республикаси учрашуви ғолиби билан куч синашади. Ушбу баҳс 6 июль куни Мехико шаҳрида бўлиб ўтади.
Розикжон Султонмуродов
Журналист