Meksika 40 yildan so‘ng birinchi marta pley-offda g‘alaba qozondi
Meksika 1/8 finalda Angliya va Kongo DR uchrashuvi g‘olibi bilan kuch sinashadi.
ФОТО: Getty images
Jahon chempionati 1/16 final bosqichida Meksika milliy terma jamoasi Ekvadorni 2:0 hisobida mag‘lub etib, 1/8 finalga yo‘l oldi.
Shu tariqa, Meksika terma jamoasi 1986 yildan beri ilk bor Jahon chempionatida pley-offning birinchi bosqichidan o‘tishga muvaffaq bo‘ldi. O‘sha mundialda Meksika mezbonlik qilgan va chorak finalgacha yetib borgan edi.
Endilikda Meksika 1/8 finalda Angliya va Kongo Demokratik Respublikasi uchrashuvi g‘olibi bilan kuch sinashadi. Ushbu bahs 6 iyul kuni Mexiko shahrida bo‘lib o‘tadi.
Roziqjon Sultonmurodov
Jurnalist