Меҳди Тораби виза муаммоси сабабли Бельгия билан ўйинни ўтказиб юбориши мумкин
Эрон терма жамоаси ҳужумчиси Меҳди Торабининг АҚШга киришида муаммолар юзага келди — унинг визаси муддати тугаган ва энди у Жаҳон чемпионатининг 2-турида Бельгияга қарши ўйинни ўтказиб юбориш хавфи остида турибди, деб хабар бермоқда O Globo Esportes.
Маълум қилинишича, миллий терма жамоанинг барча футболчиларига кўп марталик виза расмийлаштирилган, бироқ Торабининг ҳужжати фақат бир марта бориб-келишга мўлжалланган бўлиб чиққан. Янги Зеландияга қарши ўйинга учиб кетганидан сўнг, агар Эрон ҳукумати унга янги рухсатнома расмийлаштиришга улгурмаса, ҳужумчи Америка Қўшма Штатларига қайтиш имкониятидан маҳрум бўлади.
Бундан ташқари, делегация Лос-Анжелес аэропортида ушланиб қолган. Тораби билан бирга мураббийлар штаби аъзоларидан бири ҳам тўхтатилган, бу эса Мексикага қайтиш парвозининг кечикишига олиб келган.
