Мбаппенинг жароҳат фонидаги хатти-ҳаракатлари «Реал» кийиниш хонасида норозилик уйғотди
Мадриднинг «Реал» клуби ҳужумчиси Килиан Мбаппенинг янги мушак жароҳати фонидаги хатти-ҳаракатлари жамоа ичида тушунмовчилик келтириб чиқарди. Бу ҳақда El Mundo нашри хабар бермоқда.
Манба берган маълумотларга кўра, футболчилар Мбаппе аввалги жароҳати вақтида клуб физиотерапевтлари ҳамроҳлигида Парижга йўл олганини тўғри тушунишган эди. Бироқ, франциялик ҳужумчининг ҳозирги жароҳати «унча жиддий эмас»лигини ҳисобга олсак, кўплаб жамоадошлари унинг Испания ташқарисига сафарларини қабул қила олишмаяпти.
Айниқса, 10 май куни бўлиб ўтадиган «Эль-Класико»да иштирок этиш учун «бор имкониятини ишга солишини» таъкидлаган Мбаппенинг сўнгги кунлардаги ҳаракатлари бир қанча футболчиларни ҳайратда қолдиргани айтилмоқда.
Эслатиб ўтамиз, аввалроқ ОАВда «қаймоқранглилар» ҳужумчиси ўзининг севгилиси ҳамроҳлигида Италияга йўл олгани ҳақида хабарлар тарқалган эди.
